催化劑

噚晚期貨市場一片腥風血雨，期油、期銀等跌到阿媽都唔認得，一日可以跌10%，執筆之時仲未止瀉，學英哥話齋果d邊係人嚟架！今日港股在資源、能源股類別拖累下亦無可避免迎來復活節後死亡八連陰，但今日跌幅比想像中少得多。一些以能源為經營成本的股份表現出色，航空、航運股造好，在中海集運、特步等股份奮進下，投資組合升1.8%。眼見組合內眾兄弟都奮發向上，反而重倉的廣船卻表現麻麻，完全辜負了大家的努力。重金收購你基士文返嚟，卻要足協盃出局，你羞家不羞家？分析過點解自己個組合今年表現不如理想，廣船是罪魁禍首，這已觸及我的time stop警戒線，如果嚟緊兩週仲係咁，會有所行動，趁大市調整換一換馬，應該還是不錯的，基士文醒醒定定啦！


雖然股票平是好，但如果欠缺催化劑，長倉基金大戶不建倉，平可以一直平落去，甚至可以平幾年。那麼什麼是催化劑？長倉基金大戶重視的催化劑可以是前景，可以是影響前景的一些因素，可以是一些營運數據的改善等。由於油價暴跌，航運股獲得重估的催化劑，所以今日航運股即時有反應；由於體育用品股最近公布出來的營運數據大多都不錯，消除了部分上年尾段因李寧業績下滑使大家對體育用品市場的憂慮，呢幾日都見到有資金入市，最明顯是大落後的李寧都在大成交下大反彈，但「老師槪念股」之中的動向還是比較疲弱的，但也自底位反彈不少，除了5蚊買入的人，在低位撈貨的朋友都大賺賺。


另一隻「老師槪念股」之一的國壽，幾年前已經見不少散戶話平，可以買貨，結果買咗幾年都仲係咁平，點解？這涉及國壽的催化劑。 什麼是國壽的催化劑？保費增長？不是。管理層質素？非也！是A股表現啊！收多多保費都無用，如果收返嚟的資金無出路，甚或是投入一個望天打掛的市場。我舊年見A股比H股有折讓，覺得A股平，入了一些A50，但一年後的結果如何？計及收咗嘅股息，我的A50才可以平收，唔計息係蝕錢的，而我另外幾次買賣的2828卻可以賺到盆滿缽滿，可想而知A股這個政策市是幾難估，很難想像將大部分資金重倉這個領域的後果，萬一A股走勢來多次04-05年的翻版又點算呢？咁真係全軍盡墨的了。A股可以完全估佢唔到的，跌可以跌很耐，但一升升到你發癲。我唔反對人買國壽，正如我買A50一樣，但亦要注意注碼，平衡返個組合。當然你可能覺得如果A股發癲，國壽可以升好多，但既然A股癲，其實基本上大部分股都可以升得好癲，根本冇須全軍重駐國壽，這樣做其實好蝕章，其他人係睇住你嚟食。所以我成日講笑咁講，買BUY AND HOPE，買2628不如買2866。雖然是講笑，但亦不無道理，因為可能買2628同2866嘅心態基本差不多，分別只在於一個HOPE A股發癲，一個HOPE BDI發癲。