分叉的感情線

佢實而不華，平日不被人注意，佢用業績証明給人看佢係掂嘅；佢昔日之股王、天之驕子，萬千寵愛於一身，佢用業績打破了這建基已久的稱號。佢好好學習，天天向上；佢安於現狀，不求進步。佢氣旺，升職又加薪；佢人衰，行路打倒褪。佢大戶林立，佢散戶成群。佢不斷創人生高峰，佢繼續踏事業低谷。於是，種種風雲際會下，這一天他倆在這分叉的路上相遇了。是冤家路窄？還是陌路相逢？佢會否高處不勝寒？佢會否低處未算低？相遇了會否分開，分開了會否再度重遇？是你走你的陽關道，還是我走我的獨木橋？不論最後結果如何，地球是圓的，人生是輪迴的，天下大勢，合久必分，分久必合，最後還是化作一縷清煙隨風去，最重要還是享受過程吧。

我講緊乜？點解今日咁玄？明嘅自會心裏暗笑，唔明嘅就會繼續扮唔明。你知，我知，唔好俾佢知，我怕大市又會小器。不過，咁上法，心裏還是既振奮，又帶點怯。

匯控打破慣例，公佈了首份較詳細的首季業績，不知好或壞，亦懶得去看，只知市場好像不收貨。自上年選擇在分叉的感情線上跟佢分開，已經對於佢嘅一舉一動有些冷淡，亦因此少了很多跟回報不成正比的不必要的惶與恐。放棄了一棵樹，卻獲得了一個森林，棄之又有何足惜？

組合繼續有優於大市的表現，不知是好定壞，但如果跟上兩次自己的組合有預示、領先指標作用的話，還是值得欣喜的。皆因大家又可以gogogo創新高，而唔係ohohoh創新low了‥‥‥

本來是想昨晚發的文，但blogspot昨晚好像有問題發不到文，可能是機緣巧合吧！就讓這咁玄的文發在一個咁玄的節日，佛誕快樂！

彼此的感情線 交錯發展 怎麼捨得去剪