落後股變避險股

復活節後，大市就像患了一種病，總是有種不舒服的感覺，但要具體說哪裡病就說不出，每日高開低走，收市就陰陰濕濕跌你幾廿點。五一回來，拉登瓜咗，內地冇出招，港股返來依然冇運行，今日終於來料，見真章，跌你幾百點收市，部分領頭羊股份更出現大插水。雖然跌市，但給我的感覺卻很好，就像熬了幾日的感冒，病徵開始出來，流鼻水、咳嗽等。通常病徵出咗，不知怎的個人就會舒服點。同樣道理，大市亦像一個人，也會面對生老病死，間唔中炒得勁得滯，個人攰到pair pair乎，亦會借機病下，幫大家降降溫。病徵愈快出，再配合焗一身熱汗，愈快痊癒；不然拖下拖下，仲難好。


今日跌市，有部分股份比較吸引我眼球。一是電力及相關設備股，一是藥股。佢地嘅共同點都係俾市場忘記了，究竟佢地係避險，抑或轉勢才升？電力設備股能否借季績不錯，及巴老睇好而獲得重估？股票市場就是這麼有趣，「anti—mattew effect」又運行？嘻‥‥


近日苦中作樂佳品，《點解阿sir係阿sir》，無聊但我受落，一直都追開‥haha