水災乎海嘯乎？！

今日中人壽跌$1.05(-4.1%)，收24.6，散戶風聲鶴唳，一時又問金融海嘯價撈唔撈得過，一時又嘆三年心機全功盡廢，投機賭徒最信奉嘅走勢與圖表分析都認為， 現在中人壽已經遠遠跌穿250天移動平均線，中人壽已經跌進熊市區域，我經常同大家講，圖表分析根本無預測大市能力，如果信奉圖表分析，現在應該完全清倉，沽貨離場，雖然「止蝕」屬廢招，但壯士斷臂，好過死無全屍，不過好可惜，十個有九個價投死牛都係重倉此股，並無止蝕離場，呢種就係所謂嘅短炒變長揸，投機變投資，但價投死牛往往越跌越溝，一有人工又溝，兼成手老千股或點穴股，個市跌多一、兩千點，基本上無險可守，只有坐以待斃。
(文筆風格，如有雷同，實屬鬼馬)

今日睇新聞有個渠務工人係水井活活浸死，想不到一場突如其來的暴雨就這樣活活奪去一條無辜人命，見到啲工友在雨中放聲嚎哭那場面，不禁身受感染，竟眼眶濕潤起來，人非草木，孰能無情？

面對突如其來的水災海嘯，身歷其中， 不免心慌，朝買夕沽，心裏的牛與熊肉搏糾纏，嚇到清倉離場，在所難免。還望大家面對逆境，守望相助，減少埋怨嘲笑，共渡時艱吧！