炒股難 難於縮PE

港府再出招遏炒樓，地產股變身拖低大市，港股跌足七日，收市報22420.37，跌189.46點，累計跌幅1264點；國企指數報12380.81，跌91.78點。觀望下周內地通脹數據，全日總成交縮減至701億元。

政府增供應、金管局擬收緊按揭，地產股全線跌逾1%-2%。重磅匯控<00005.HK>偏軟收78.75元。A股尾市回穩，內銀、內房相對贏大市。數據理想支持，中國海外<00688.HK>財險<02328.HK>逆市升逾3%及2%。澳洲礦稅草案出台，中信泰富<00267.HK>兗煤<01171.HK>分別跌近4%及2%。

部份基金股見反彈，中國無線<02369.HK>回升13%；超大<00682.HK>綠森<00094.HK>齊升7%。醫藥保健股未見底，聯邦<03933.HK>利君<02005.HK>續挫6%及4%；澄清產品不含塑化劑，瑞年<02010.HK>仍要跌逾4%。

兩新股掛牌，華能新能源<00958.HK>「潛水」收2.43元；龍翔<00935.HK>報1.14元，守招股價。
(source: aastocks)
 
現在炒股真係搵食艱難，連一向對投機賭徒嗤之以鼻嘅老師都按捺不住，化身賭徒，企圖盡地一煲以幫補一下家計，執大鱷對沖基金牛耳，跟賭徒們爭一日之長短，唔賭都唔知原來自己時運高，近排炒股之難不言而喻。

玩衍生工具難，難於縮volatility；即使估啱方向，往往因券商縮引伸波幅而輸錢。想不到即使不玩衍生工具而玩股票，亦要面對縮PE之苦。 例如一隻以往trade開20xPE嘅股票，舊年EPS是$1，普遍預期今年盈利會升2成，即*EPS是$1.2，股價因而trade緊$24；但由於市場風險胃納突然變小，可接受的PE程度降至15x，而市場見經濟數據好像持續變差，因而調低其*EPS至$1.1，目標股價因此下調至$16.5，有三成下跌空間。投資難，難於縮PE！

今日港股已七連跌，跌多一日便可以平上次八連陰紀錄，值得期待！噚日靠地主佬托住玩v彈，今日卻因政府再推冷卻樓市措施而拖累玩插水。港股收於250天線樓下，38綫失陷，形勢cupcup可危，散戶要集體跳船麼？牛熊搏擊第二回合，熊友勝。睇牛熊搏擊仲好睇過NBA！


今日組合無升跌。

07年我同唔少人一樣曾經質疑過05年國企股點解可以trade10xPE咁平，咁不可思議，這怎麼可能？現在此情此境再臨我終於明白了，原來投資者可以不可理喻至此。我詐聾扮懵故牛市我在。